للأسف التيشيرت ده هو أسوأ تجربة ليا مع استبرق، لدرجة انه الأهل في البيت بقوا يمنعوني أفكّر مجرّد تفكير أشتري من عندكم مرّة تانية
التيشيرت ده من غير أي حاجة ومن قبل ما يتغسل والكتابة اللي عليه بدأت تروح تدريجيًّا من تاني لبسة، ومش شغال صنايعي ولا دهان ولا حاجة الكتابة تروح بالمنظر ده .. شغال في مكان كويس مفيش حاجة بتيجي عمومًا عليه ولا على الكتابة، ومع الغسيل مرة واتنين بقى بالمنظر ده للأسف، ومبقيتش أعرف أخرج بيه للأسف
مع اني اشتريت في نفس الاوردر تيشيرت مسلم الازرق وكتابة مطبوعة زي الكتابة اللي على تيشيرت خارق .. بس الحمدلله غسيل ولبس وكله تمام
اي نعم ممكن يكون عيب صناعة او غلطة جات قدرًا فيَّ .. لكن اظن اني مليش ذنب اتدبس فيه ..
عمومًا بقية التجربة الحمدلله كويسة، وتيشرت صادق الابيض كتابة برضو والحمدلله غسيل ولبس تمام
لكن ده للأسف مكانش أحسن حاجة
والحمدلله